1.1. Bu İstifadəçi Razılaşması (bundan sonra – "Razılaşma"), istifadəçilərin ("İstifadəçi" və ya "Siz") https://evonline.az saytı və onunla əlaqəli xidmətlər (birlikdə "Servis" və ya "Platforma") ilə qarşılıqlı münasibətlərini, habelə hüquqi əlaqələrini tənzimləyir.
1.2. Servisdən istifadə etməklə Siz bu Razılaşmanın bütün şərtlərini qəbul etmiş, onlarla razılaşmış sayılırsınız. Əgər Razılaşmanın şərtləri ilə razı deyilsinizsə, Servisdən istifadəni dərhal dayandırmalısınız.
1.3. Bu Razılaşma ictimai oferta hesab olunur. Servisə daxil olmaqla və qeydiyyatdan keçməklə Siz bu ofertanı qəbul etmiş hesab olunursunuz.
1.4. İstifadəçi Razılaşmasının məqsədləri baxımından aşağıdakı terminlər və anlayışlar müvafiq mənada tətbiq edilir:
1.4.1. Servis : https://evonline.az domeni altında fəaliyyət göstərən onlayn platforma, onun bütün alt domenləri, mobil tətbiqləri, məzmunu, proqram təminatı və verilənlər bazası.
1.4.2 Administrasiya : Azərbaycan Respublikasının qanunvericiliyinə uyğun olaraq qeydiyyatdan keçmiş (VÖEN: 1807198742) və fəaliyyət göstərən, habelə Servis üzərində bütün müstəsna mülkiyyət hüquqlarına malik olan və/və ya onun Servisin idarə olunmasını və istifadəçilərə xidmət göstərilməsini təmin etmək üçün səlahiyyətləndirdiyi şəxslər.
1.4.3 İstifadəçi : Bu Razılaşmanı qəbul edərək Servisdən istifadə edən hər hansı fiziki və ya hüquqi şəxs.
1.4.4 Sifarişçi : Servisdən ödənişli xidmətləri əldə etmək məqsədilə, bu Razılaşma və/və ya ödənişli xidmətlərin təqdiminə dair İctimai Təklif (Oferta) və ya tərəflər arasında bağlanmış fərdi müqavilələr əsasında xidmət sifariş edən və həmin xidmətlərin ödənişini həyata keçirən İstifadəçi.
1.4.5 Razılaşmanın Tərəfləri : Bu Razılaşmada tərəf olaraq Administrasiya və İstifadəçi nəzərdə tutulur.
1.4.6 Hesab (Şəxsi Kabinet) : İstifadəçinin qeydiyyatdan keçdikdən sonra əldə etdiyi fərdi giriş sahəsi. İstifadəçi yalnız bir Şəxsi kabinetə sahib olma hüququna sahibdir.
1.4.7 Balans: İstifadəçiyə aid olan və yalnız evonline.az platformasında göstərilən ödənişlər və xidmətlərin həyata keçirilməsi üçün nəzərdə tutulan vəsaitlərin uçotu və idarəsi məqsədilə yaradılmış virtual hesab.
1.4.8 Ödənişli xidmətlər : Bu Razılaşma çərçivəsində və ödənişin həyata keçirilməsi şərtlərinə uyğun olaraq, həmçinin ödənişli xidmətlərin göstərilməsinə dair İctimai Təklif (Oferta) əsasında, Servis tərəfindən İstifadəçiyə (Sifarişçiyə) təqdim olunan bütün xidmətlər.
1.4.9 Xidmət paketi : kommersiya fəaliyyəti ilə məşğul olan İstifadəçilərə təqdim olunan, əlavə xidmətlər, endirimlər, bonuslar və elanları özündə birləşdirən, ticari cəhətdən sərfəli və özəl paketdir. Xidmət paketinin əldə edilməsi ilə İstifadəçi həmin paketə daxil olan bütün üstünlüklərdən istifadə hüququ qazanır. Ödəniş xidmət paketinin aktivləşdirilməsindən sonra geri qaytarılmır.
1.4.10 İstifadəçinin şəxsi məlumatları : İstifadəçi haqqında birbaşa təqdim etdiyi və ya Servisdən istifadə zamanı avtomatik olaraq Administrasiyaya ötürülən məlumatlar. Buraya İstifadəçinin qeydiyyat zamanı verdiyi məlumatlar, IP-ünvan, cookie-lər vasitəsilə əldə olunan məlumatlar, brauzer haqqında informasiya və digər əlaqəli şəxsi məlumatlar daxildir.
1.4.11 Spam : İstifadəçilər və ya üçüncü şəxslər tərəfindən icazəsiz, kütləvi və ya gözlənilməyən şəkildə göndərilən reklam, informasiya, təşviqat və ya digər xarakterli elektron poçt və ya digər kommunikasiya vasitələri vasitəsilə paylaşılan mesajlar.
1.4.12 Əmlak : Mallar, işlər, xidmətlər, maddi-texniki vasitələr və digər maddi və qeyri-maddi obyektlər, eləcə də mülkiyyət və qeyri-mülkiyyət hüquqları daxil olmaqla bütün maddi və qeyri-maddi hüquqi obyektlər.
1.4.13 Endirim : İstifadəçi tərəfindən ödənilən, elanların irəlilədilməsi və digər ödənişli xidmətlər üçün müəyyən edilmiş tariflərin müəyyən faiz və ya məbləğ üzrə azaldılmasıdır.
1.4.14 Elan :İstifadəçi tərəfindən Platformada yerləşdirilən mənzil, torpaq, ofis kimi daşınmaz əmlak və ya xidmət haqqında məlumat.
1.5. İzahı verilməyən anlayışlar Administrasiya tərəfindən şərh olunur.
1.6. Servisin xidmətlərindən və materiallarından istifadə, Azərbaycan Respublikasının qanunvericilik normalarına və hazırkı Razılaşmanın şərtlərinə uyğun həyata keçirilir.
1.7. Şirkət adından Servisdən istifadə edilən hallarda belə, həmin şirkət hazırkı Razılaşmanın şərtlərini qəbul etmiş sayılır.
1.8. Administrasiya elan yerləşdirilməsi, axtarışı və digər xidmətləri təqdim edir.
1.9. Xidmətlər xüsusi qaydalar və ya fərdi müqavilələrlə də tənzimlənə bilər.
1.10. İstifadəçi təsdiq edir ki, Servisdə təqdim edilən bütün materiallar və xidmətlər, eləcə də onların hər hansı hissəsi reklam yerləşdirilməsi ilə müşayiət oluna bilər. İstifadəçi qəbul edir ki, belə reklamlarla bağlı hər hansı məsuliyyət Administrasiyaya aid deyildir və bu səbəbdən də Administrasiyaya qarşı hər hansı tələb və ya iddia irəli sürməkdən imtina edir.
1.11. Qeydiyyat könüllüdür. Administrasiya təqdim olunmuş məlumatların doğruluğunu təsdiqləmək üçün sənəd tələb edə bilər.
1.12. İstifadəçi yalnız öz hesabından istifadə edə bilər, şifrəsinin qorunmasına görə tam məsuliyyət daşıyır.
1.13. Administrasiya, İstifadəçilər tərəfindən qeydiyyat və/və ya platformaya daxilolma mərhələsində təqdim edilən məlumatların etibarlılığını təsdiqləmək məqsədilə xüsusi texniki vasitələrdən istifadə etmək hüququnu özündə saxlayır.
1.14. Administrasiya, İstifadəçinin təqdim etdiyi məlumatların həqiqiliyi və onun kimliyinin doğruluğu üzrə zəmanət vermir.
1.15. İstifadəçi Servisdə mövcud bütün vasitələrdən istifadə edərək digər İstifadəçilərlə ünsiyyət qurmaq hüququna malikdir.
1.16. Administrasiya, İstifadəçinin Razılaşmanın şərtlərini pozduğunu müəyyən etdikdə, onun Servisin xidmətlərinə çıxışını məhdudlaşdırmaq və ya dayandırmaq hüququna malikdir.
1.17. Digər şəxslərin hüquqlarının və qanunvericiliyin tələblərinin pozulması hallarında, eləcə də digər səbəblərə görə Administrasiya İstifadəçinin xidmətlərə çıxışını məhdudlaşdırmaq və ya dayandırmaq hüququnu özündə saxlayır.
1.18. Girişi dayandırılmış və ya məlumatları etibarsız hesab edilən İstifadəçi, Administrasiyanın xüsusi icazəsi olmadan təkrar qeydiyyatdan keçə və ya digər İstifadəçinin məlumatlarından istifadə edə bilməz.
2.1. Qeydiyyatdan keçmiş İstifadəçilər Servisdə elan yerləşdirmək hüququna malikdir.
2.2. İstifadəçi qanunvericiliyi, müəllif və əqli mülkiyyət hüquqlarını pozmamaq və Servisin normal fəaliyyətinə mane olmamaq öhdəliyini qəbul edir.
2.3. Əmlak üzrə bütün əməliyyatlar yalnız İstifadəçilər arasında baş verir; Administrasiya tərəf və ya vasitəçi hesab edilmir və məsuliyyət daşımır.
2.4. Servisdə yerləşdirilən şərhlər və digər yazılar qanun, əxlaq və ümumi qəbul edilmiş davranış qaydalarına uyğun olmalıdır.
2.5. Xarici resurslara istinadlar və elan məzmunu üçün məsuliyyət yalnız İstifadəçiyə aiddir.
2.6. İstifadəçi təqdim etdiyi materiallar üzərində Administrasiyaya qeyri-müstəsna, müddətsiz, pulsuz istifadə, yayım, nümayiş, surət çıxarma və təkrar hüququ verir; əqli mülkiyyət hüquqları saxlanılır.
2.7. Üçüncü şəxslərin hüquqlarının pozulması yalnız İstifadəçinin məsuliyyətindədir.
2.8. Elanlar doğru və tam məlumat əhatə etməli, səhv və natamam məlumatlar düzəldilməlidir.
2.9. İstifadəçi təqdim etdiyi əmlak üzərində əməliyyat hüququna malik olduğunu təsdiqləyir.
2.10. Bütün elanlar üçün müvafiq hüquq və lisenziya sahibi olunmalıdır; tələb olunan hallarda məlumatlar elanlarda göstərilməlidir.
2.11. Administrasiya elanlarla bağlı əlavə sənəd tələb edə və təqdim edilməyən elanları nəşr etməyə bilər.
2.12. Servisdə yalnız İstifadəçinin mülkiyyətində olan və satışına icazə verilmiş əmlak yerləşdirilə bilər; Administrasiya bunu yoxlamaq hüququna malikdir.
2.13. Administrasiya Servisin keyfiyyətini qorumaq üçün aktiv elanların sayını və hərəkətlərini məhdudlaşdıra bilər.
2.14. Elanların təsviri və şərtləri qanunvericiliyə və Razılaşmaya uyğun olmalıdır; uyğunsuzluq halında düzəliş edilməlidir.
2.15. Qanun, əxlaq və üçüncü şəxslərin hüquqlarını pozan elanlar qadağandır.
2.16. Ödənişli xidmətlərin istifadəsi elanların bloklanmayacağına zəmanət vermir.
2.17. Avtomatik proqramlar və botlardan istifadə qadağandır, yalnız Administrasiyanın icazəsi ilə mümkündür.
2.18. İstifadəçi Servisin normal fəaliyyətini pozan hərəkətlərdən, o cümlədən sistemin yüklənməsi, məlumatın icazəsiz surətlənməsi və yayılması, sistem işinə maneə yaratmaqdan çəkinməlidir.
2.19. İstifadəçi elanların və digər məlumatların məzmununa görə tam və müstəsna məsuliyyət daşıyır.
2.20. Administrasiya elanların nümayişini dəyişdirmək, redaktə etmək, kateqoriyasını dəyişmək, dayandırmaq və yerləşdirilməsini rədd etmək hüququna malikdir.
3.1. İstifadəçilər Saytda təqdim olunan ödənişli xidmətlərdən yararlana bilərlər.
3.2. Ödənişli xidmətlərə aşağıdakılar daxildir:
3.2.1. Elanı axtarışda irəli çəkmə (elanı siyahıda yuxarıda göstərmək);
3.2.2. VIP elan (xüsusi vurğulama ilə fərqləndirilən elan);
3.2.3. Ödənişli elan (elan yerləşdirmək üçün ödəniş tələb olunan elan növü).
3.2.4. Xidmət paketləri.Bütün paketlər ödənişli xidmət kateqoriyasına daxildir və istifadəçi ödəniş etdikdən sonra aktivləşir.Paketlərin istifadə müddəti: Müddətsiz.
3.3. Xidmətlərin qiymətləri və ödəniş qaydaları Saytın müvafiq bölmələrində ətraflı şəkildə göstərilmişdir.
3.4. Ödəniş etmiş İstifadəçi, ödənişin geri qaytarılması ilə bağlı Sayt Administrasiyasına müraciət edə bilər.Geri qaytarılma və ya imtina barədə qərar Administrasiya tərəfindən birtərəfli qaydada qəbul edilir.
3.5. Administrasiya aşağıdakı hallarda ödənişin geri qaytarılmasından imtina etmək hüququna malikdir:
3.5.1. İstifadəçi bu Razılaşmanın şərtlərini mütəmadi olaraq pozarsa;
3.5.2. Xidmət artıq aktivləşdirilibsə və ya elan moderasiyadan sonra silinibsə;
3.5.3. Elan qadağan olunmuş məhsul, xidmət və ya təkliflə bağlıdırsa;
3.5.4. Ödəniş sistemi və ya bank tərəfindən texniki nasazlıq yaranarsa. Bu halda məsələ fərdi qaydada nəzərdən keçirilir və Servis ödəniş sistemlərinin işinə görə məsuliyyət daşımır;
3.5.5. Digər hallarda — Administrasiyanın qərarına əsasən.
3.6. Pul vəsaitlərinin geri qaytarılması qaydası hər bir müraciət üçün Administrasiya ilə İstifadəçi arasında ayrıca müəyyən edilir.
4.1. Balans — Evonline.az-də Şəxsi hesabınızda olan tək balansdır. Bu balans həm hədiyyə bonuslardan, həm də sizin sayt vasitəsilə (bank kartı, Portmanat, ödəniş terminalı və s.) əlavə etdiyiniz vəsaitlərdən ibarətdir.
4.2. İstifadə qaydası — Balans yalnız sayt daxilində ödənişli xidmətlər üçün istifadə oluna bilər. Balansı nağd pula çevirmək və ya başqasına vermək mümkün deyil. Ödənişli xidmətlərdə 1 AZN = 1 balans vahidi kimi hesablanır.
4.3. Balansın görünməsi — Balansın cari miqdarı Şəxsi hesabınızda əks olunur.
4.4. Hədiyyə bonuslar — Administrasiya tərəfindən balansınıza əlavə edilən bonuslardır. Bu bonusların etibarlılıq müddətini Administrasiya müəyyən edir.
4.5. Hədiyyə elan paketləri — Administrasiya və ya saytın təşəbbüsü ilə ödənişsiz elan balansınıza əlavə olunur. Onların istifadə müddətini Administrasiya müəyyən edir.
4.6. Paket bonusları — İstifadəçi paket aldıqda və ya invoys ödəndikdə, paketə aid bonuslar avtomatik olaraq həm əsas balansına, elan bonusları isə ödənişli elan balansına əlavə olunur.
5.1. Administrasiya, İstifadəçilərin qeydiyyat zamanı təqdim etdiyi elektron poçt və telefon nömrələrinə məktub və ya SMS göndərə bilər.
5.2. Göndərilən məlumatlar saziş təkliflərini, informasiya və reklam xarakterli mesajları əhatə edə bilər.
5.3. Administrasiya digər İstifadəçilər və ya robotlar tərəfindən göndərilən mesajlar və əlaqə vasitələrinin istifadəsinə görə məsuliyyət daşımır.
5.4. İstifadəçi qəbul edir ki, Administrasiya məktub və mesajların göndərilməsi üçün onun əlaqə məlumatlarını üçüncü şəxslərlə paylaşa bilər.
5.5. Moderator və Administrasiya ilə yazışmalar Servisdə göstərilən rəsmi kanallar vasitəsilə aparılır.
5.6. Moderator və Administrasiya barədə təhqiramiz və ya qərəzli şərhlər yerləşdirmək qadağandır. Qaydanın pozulması halında Administrasiya İstifadəçinin hesabını məhdudlaşdıra və ya silə bilər.
6.1. Servisdəki proqram təminatı, məzmun, ticarət nişanları və digər əqli mülkiyyət obyektləri Administrasiyanın və ya müvafiq hüquq sahiblərinin mülkiyyətidir və qanunlarla qorunur.
6.2. İstifadəçiyə proqram təminatından yalnız şəxsi, qeyri-transferəolunan və Servisin xidmətlərindən istifadə məqsədilə faydalanmaq üçün məhdud lisenziya verilir.
6.3. Administrasiyanın yazılı razılığı olmadan əqli mülkiyyət obyektlərinin surətini çıxarmaq, dəyişdirmək, yaymaq, satmaq, icarəyə vermək, dekompilyasiya və ya proqram təminatını “sındırmaq” qadağandır.
6.4. Hüquqların pozulması qanunvericiliyə uyğun olaraq mülki, inzibati və ya cinayət məsuliyyətinə səbəb ola bilər.
7.1. İstifadəçi Servisdə təqdim etdiyi məlumatların düzgünlüyü və tamlığına cavabdehdir.
7.2. Məlumatlar yalnız şəxsi məqsədlər üçün, əlaqə və şəxsiyyət təsdiqi üçün istifadə olunur.
7.3. İstifadəçi internet risklərini (spam, məlumatların üçüncü şəxslərin əlinə keçməsi və s.) başa düşür və qəbul edir.
7.4. Administrasiya əməliyyatların tərəfi deyil və istifadəçilər arasında baş verən müqavilələrdən məsuliyyət daşımır.
7.5. Servisdən istifadə zamanı bütün risklər İstifadəçinin üzərinə düşür; elanların doğruluğu, təhlükəsizliyi və qanunauyğunluğu Administrasiyanın nəzarətində deyil.
7.6. Administrasiya üçüncü şəxslərin icazəsiz girişləri, texniki xətalar, proqram nasazlıqları və viruslar nəticəsində yaranan zərərlərə görə məsuliyyət daşımır.
7.7. Elanlar real satış və ya təklif zəmanəti yaratmır; əməliyyat qərarları yalnız İstifadəçinin öhdəliyindədir.
7.8. İstifadəçi digər istifadəçilərlə və müştərilərlə yaranan mübahisələri Administrasiyanı cəlb etmədən həll etməlidir.
7.9. Tərəflər qarşısıalınmaz hallar (zəlzələ, daşqın, yanğın, müharibə, terror, qanunvericilikdə dəyişikliklər və s.) nəticəsində öhdəliklərin yerinə yetirilməməsindən azad olunurlar.
8.1. Bu Razılaşma Sizin Servisdən istifadəyə başladığınız andan etibarən qüvvəyə minir və istənilən vaxt hesabınızı silməklə və ya Servisdən istifadəni dayandırmaqla Sizin tərəfinizdən xitam edilə bilər.
8.2. Şirkət, bu Razılaşmanı pozduğunuzu düşündüyü halda, əvvəlcədən xəbərdarlıq etmədən Sizin hesabınızı bloklamaq, elanlarınızı silmək və ya Servisə girişinizi dayandırmaq hüququnu özündə saxlayır.
9.1. Administrasiya Razılaşmanı birtərəfli qaydada dəyişdirmək hüququna malikdir və bunun üçün İstifadəçiyə ayrıca bildiriş göndərmək zərurəti yoxdur. Razılaşmanın yeni redaksiyası Servisdə yayımlandığı tarixdən qüvvəyə minir.
9.2. Dəyişikliklərdən sonra Servisdən istifadəyə davam etməklə Siz yenilənmiş Razılaşmanı qəbul etmiş sayılırsınız.
10.1. Razılaşmadan irəli gələn hər hansı mübahisə tərəflər tərəfindən sülh yolu ilə və danışıqlar vasitəsilə həll edilməlidir. Mübahisələr mövcud qanunvericiliyə uyğun həll olunur.
10.2. Bütün hüquqi münasibətlər və mübahisələr Azərbaycan Respublikasının qanunlarına tabe olacaqdır.
10.3. Bu Razılaşma heç bir halda İstifadəçi və Administrasiya arasında agentlik, tərəfdaşlıq, birgə müəssisə, işəgötürən-işçi və ya digər oxşar hüquqi münasibətlərin mövcudluğunu göstərmir.
10.4. Məhkəmə tərəfindən Razılaşmanın hər hansı müddəasının etibarsız və ya icraya yararsız hesab edilməsi, digər müddəaların qüvvədə qalmasına təsir etmir.
10.5. İstifadəçinin Razılaşma şərtlərini pozması halında, Administrasiyanın dərhal hərəkət etməməsi onun gələcəkdə hüquqlarını qorumaq səlahiyyətini məhdudlaşdırmır.
10.6. Razılaşmada nəzərdə tutulmamış hallar və şərtlər yalnız fərdi qaydada tənzimlənir.
Əlavə
İstifadəçi Razılaşmasına dair Əlavə № 1
Son yeniləmə tarixi – 25.09.2025