MİDA obyektləri və zirzəmi sahələri hərraca çıxarılır

Məlumata görə, MİDA-nın 1-ci və 2-ci Yasamal Yaşayış Komplekslərində, həmçinin 2-ci Hövsan Yaşayış Kompleksində yerləşən və MİDA MMC-nin xüsusi mülkiyyətində olan ümumilikdə 13 qeyri-yaşayış obyekti və onlara aid zirzəmi sahələri hərrac vasitəsilə satışa təqdim ediləcək.

Hərrac qanunvericiliyin tələblərinə uyğun şəkildə keçiriləcək. Satışa çıxarılan obyektlər arasında yaşayış binalarında yerləşən müxtəlif təyinatlı qeyri-yaşayış sahələri və onlara aid zirzəmi sahələri yer alır.

Məlumata əsasən, hərracı İqtisadiyyat Nazirliyi yanında Əmlak Məsələləri Dövlət Xidmətinin tabeliyində fəaliyyət göstərən Hərracların Təşkili Mərkəzi keçirəcək.
Evonline.az bu barədə Mənzil İnşaatı Dövlət Agentliyinə istinadən məlumat yayıb.