Bazar Analizi 17

Daşınmaz əmlaka yatırım: Mənzil, torpaq, yoxsa kommersiya obyekti daha sərfəlidir?

Daşınmaz əmlaka yatırım: Mənzil, torpaq, yoxsa kommersiya obyekti daha sərfəlidir?
Daşınmaz əmlak bazarına investisiya qoymağı planlaşdıran şəxslər, əsasən, mənzillərə, torpaq sahələrinə və kommersiya təyinatlı obyektlərə üstünlük verirlər. Bununla belə, hər bir əmlak növü gəlir potensialı, risk səviyyəsi və investisiyanın geri dönüş müddəti baxımından bir-birindən fərqlənir. Bəs hazırda hansı daşınmaz əmlaka yatırım etmək daha məqsədəuyğundur? İnvestorlar üçün davamlı kirayə gəliri əldə etmək daha sərfəlidir, yoxsa əmlakı alaraq gələcəkdə qiymət artımından qazanc götürmək?

Bakı və ətraf ərazilərdə daşınmaz əmlak bazarının son göstəriciləri də bu sualı aktuallaşdırır. Azərbaycan Qiymətləndiricilər Palatasının məlumatına görə, 2026-cı ilin sentyabrında yeni tikili mənzillərin median qiyməti ötən ilin dekabrındakı baza göstəricisi ilə müqayisədə 8 faiz artıb. Torpaq bazarında da artım qeydə alınsa da, müxtəlif əmlak növləri üzrə qiymət dinamikası fərqlənib.

Mövzu ilə bağlı əmlak eksperti Fərid Cəfərli Sonxeber.az-a açıqlamasında bildirdi ki, bu suala birmənalı cavab vermək düzgün olmazdı. Çünki daşınmaz əmlaka investisiyanın gəlirliliyi bir neçə əsas amildən - əmlakın yerləşdiyi ərazidən, alış qiymətindən, tələb səviyyəsindən, icarə potensialından, likvidliyindən və uzunmüddətli inkişaf perspektivindən asılıdır. Mənim yanaşmama görə, daşınmaz əmlak seçərkən yalnız onun gələcəkdə bahalaşacağı ehtimalına əsaslanmaq olmaz. Əsas məsələ investisiyanın real gəlir gətirməsi, kapitalın qorunması və zərurət yarandıqda əmlakın bazarda münasib müddətdə satıla bilməsidir.

Bu baxımdan, yaşayış mənzilləri, kommersiya obyektləri və torpaq sahələri fərqli investisiya imkanları yaradır. Hər birinin öz üstünlükləri və riskləri var. Sərfəli seçim isə investorun maliyyə imkanlarına, investisiya müddətinə və qarşıya qoyduğu məqsədə uyğun müəyyən edilməlidir.Mənzil almaq daha sərfəlidir, yoxsa kommersiya obyekti?

Bu iki investisiya növünü müqayisə edərkən onların gəlir modelini nəzərə almaq lazımdır.

Yaşayış mənzillərinin əsas üstünlüyü daha geniş potensial alıcı və kirayəçi auditoriyasına malik olmasıdır. Xüsusilə nəqliyyat əlçatanlığı, təhsil və səhiyyə müəssisələrinə yaxınlıq, infrastrukturun inkişafı və ərazidə formalaşmış yaşayış mühiti mənzilin həm icarə, həm də gələcək satış imkanlarına müsbət təsir göstərə bilər.

Ən son daşınmaz əmlak elanları

Bütün elanlara bax