Yanvar ayı ərzində bu qədər mənzilə “çıxarış” (kupça) verilib

2026-cı ilin yanvar ayı ərzində İqtisadiyyat Nazirliyi yanında Əmlak Məsələləri Dövlət Xidməti tərəfindən daşınmaz əmlak üzərində 31.020 mülkiyyət hüququ qeydiyyata alınaraq çıxarışla təmin edilib.Evonline.az xəbər verir ki, Dövlət Xidmətinin məlumatına görə, qeydiyyata alınan mülkiyyət hüququnun 5.594-ü (18 faizi) ilkin, 25.426-sı (82 faizi) isə təkrar qeydiyyatın payına düşür.Yanvar ayında fərdi yaşayış və bağ evi üzərində – 6.420, mənzil – 7.338, torpaq sahəsi – 16.184, qeyri-yaşayış binası – 271, qeyri-yaşayış sahəsi – 754, əmlak kompleksi – 47 və çoxmərtəbəli yaşayış binası – 6 mülkiyyət hüququnun dövlət qeydiyyatı aparılıb. Bu dövrdə qeydiyyata alınan mülkiyyət hüquqlarının 7.562-si Bakı şəhərinin, qalan hissəsi isə bölgələrin payına düşür.
Yanvar ayı ərzində 21.928 texniki pasport tərtib edilib, 5.271 ipoteka müqaviləsi qeydiyyata alınıb.