Fərdi istilik sisteminin quraşdırılması üçün yeni qaydalar açıqlandı

Çoxmənzilli yaşayış binalarının layihələndirilməsi zamanı hər bir mənzil üçün fərdi istilik sistemlərinin quraşdırılmasına icazə verilən hallar müəyyən edilib və rəsmi şəkildə təsdiqlənib.

"Evonline.az" xəbər verir ki, bu barədə qərar Baş nazir Əli Əsədov tərəfindən imzalanıb.

Qərara əsasən, yeni tikilən çoxmənzilli binalarda mənzillər üzrə fərdi istilik sistemlərinin quraşdırılmasına yalnız müəyyən edilmiş hallarda icazə verilməsi nəzərdə tutulur:
1. Çoxmənzilli yaşayış binası azmərtəbəli (5 mərtəbəyə qədər) olduqda.
2. Çoxmənzilli yaşayış binasının yerləşəcəyi əraziyə qaz təchizatı nəzərdə
tutulmadıqda.
3. Çoxmənzilli yaşayış binası üzrə mənzillərdə istilik təchizatının fərdi qaydada
bərpa olunan enerji mənbələri hesabına təmin edilməsi nəzərdə tutulduqda.