Bakıda torpaq qiymətləri artdı: Bu ərazilərdə 1 sot 20 min manat oldu
Daşınmaz əmlak bazarında qiymət artımı fonunda vətəndaşların ucuz torpaq sahələrinə marağı artıb. Paytaxt və ətraf ərazilərdə münasib qiymətə torpaq axtaran sakinlər əsasən şəhərdən kənar qəsəbə və kəndlərə üz tutur.
Bəs görəsən insanlar torpaq alarkən hansı ərazilərə daha çox üz tutmalıdır və hansı ərazilərdə torpağın qiyməti daha münasibdir?
Azərbaycan Qiymətləndiricilər Cəmiyyətinin sədri, Türk Dövlətləri Qiymətləndiricilər Birlikləri Şurasının (TDQBŞ) prezidenti Vüqar Oruc AZXEBER.COM-a açıqlamasında deyib ki, bazarda ən ucuz torpaq sahələri çox vaxt çıxarışsız torpaqlar olur:
"Torpaq almaq istəyənlər daha çox Abşeron yarımadasında Türkan, Zirə, Binəqədi, Qala, Qobu, Hökməli kimi ərazilərə müraciət edə bilərlər. Amma burada bir nüansı xüsusilə qeyd etmək lazımdır ki, bazarda ən ucuz torpaq sahələri çox vaxt çıxarışsız torpaqlar olur. Vətəndaşlar düşünürlər ki, həmin torpaqların üzərində qonşular tərəfindən tikililər var və gələcəkdə bu torpaqların sənədləşmə problemi həll olunacaq. Lakin tövsiyə olunur ki, mütləq yaşayış təyinatlı torpaq sahələrinə üstünlük verilsin. Qeyd olunan ərazilərdə torpaqların qiyməti təxminən 3 500 manatdan başlayaraq 7 000 manata qədər dəyişir. Bu isə ərazidən və yerləşmədən asılıdır”.
O bildirib ki, hazırda ucuz torpaq tapmaq kifayət qədər çətindir:
"Hazırda ucuz torpaq tapmaq kifayət qədər çətindir. Məsələn, əvvəllər Masazırda 8-10 min manata olan torpaqlar indi 15-20 min manat civarındadır. Digər tərəfdən, bağ sahələrinin çox olduğu Mərdəkan, Bilgəh, Novxanı, Şüvəlan kimi ərazilərdə torpaq qiymətləri minimum 20 min manatdan başlayır. Şəhər kənarında yerləşən və infrastrukturu o qədər də inkişaf etməmiş ərazilərə müraciət etmək mümkündür”.
V.Oruc vurğulayıb ki, çıxarışı olmayan torpaq sahələri ciddi problemlər yaradır:
"Çıxarışı olmayan torpaq sahələri gələcəkdə ciddi problemlər yarada bilər. Bundan əlavə, torpağın təyinatının yaşayış təyinatlı olması da böyük əhəmiyyət daşıyır. Bu baxımdan, torpaq alarkən ya alıcının özü, ya da mütəxəssis vasitəsilə həmin sahənin hüquqi vəziyyəti yoxlanılmalıdır. Koordinatlara əsasən sənəddə göstərilən ərazi ilə real vəziyyətin üst-üstə düşdüyünə əmin olmaq vacibdir. Sonda isə alınan torpağın sənədlərinin elektron sistemdə təsdiqlənmiş, rəsmi çıxarış olduğuna diqqət yetirilməlidir”.
Bəs görəsən insanlar torpaq alarkən hansı ərazilərə daha çox üz tutmalıdır və hansı ərazilərdə torpağın qiyməti daha münasibdir?
Azərbaycan Qiymətləndiricilər Cəmiyyətinin sədri, Türk Dövlətləri Qiymətləndiricilər Birlikləri Şurasının (TDQBŞ) prezidenti Vüqar Oruc AZXEBER.COM-a açıqlamasında deyib ki, bazarda ən ucuz torpaq sahələri çox vaxt çıxarışsız torpaqlar olur:
"Torpaq almaq istəyənlər daha çox Abşeron yarımadasında Türkan, Zirə, Binəqədi, Qala, Qobu, Hökməli kimi ərazilərə müraciət edə bilərlər. Amma burada bir nüansı xüsusilə qeyd etmək lazımdır ki, bazarda ən ucuz torpaq sahələri çox vaxt çıxarışsız torpaqlar olur. Vətəndaşlar düşünürlər ki, həmin torpaqların üzərində qonşular tərəfindən tikililər var və gələcəkdə bu torpaqların sənədləşmə problemi həll olunacaq. Lakin tövsiyə olunur ki, mütləq yaşayış təyinatlı torpaq sahələrinə üstünlük verilsin. Qeyd olunan ərazilərdə torpaqların qiyməti təxminən 3 500 manatdan başlayaraq 7 000 manata qədər dəyişir. Bu isə ərazidən və yerləşmədən asılıdır”.
O bildirib ki, hazırda ucuz torpaq tapmaq kifayət qədər çətindir:
"Hazırda ucuz torpaq tapmaq kifayət qədər çətindir. Məsələn, əvvəllər Masazırda 8-10 min manata olan torpaqlar indi 15-20 min manat civarındadır. Digər tərəfdən, bağ sahələrinin çox olduğu Mərdəkan, Bilgəh, Novxanı, Şüvəlan kimi ərazilərdə torpaq qiymətləri minimum 20 min manatdan başlayır. Şəhər kənarında yerləşən və infrastrukturu o qədər də inkişaf etməmiş ərazilərə müraciət etmək mümkündür”.
V.Oruc vurğulayıb ki, çıxarışı olmayan torpaq sahələri ciddi problemlər yaradır:
"Çıxarışı olmayan torpaq sahələri gələcəkdə ciddi problemlər yarada bilər. Bundan əlavə, torpağın təyinatının yaşayış təyinatlı olması da böyük əhəmiyyət daşıyır. Bu baxımdan, torpaq alarkən ya alıcının özü, ya da mütəxəssis vasitəsilə həmin sahənin hüquqi vəziyyəti yoxlanılmalıdır. Koordinatlara əsasən sənəddə göstərilən ərazi ilə real vəziyyətin üst-üstə düşdüyünə əmin olmaq vacibdir. Sonda isə alınan torpağın sənədlərinin elektron sistemdə təsdiqlənmiş, rəsmi çıxarış olduğuna diqqət yetirilməlidir”.
