Fərdi ev tikmək istəyənlərə VACİB MƏLUMAT – İcazə, layihə və rüsumlarla bağlı detallar
"Vətəndaş öz mülkiyyətində, icarəsində və ya istifadəsində olan torpaq sahəsində onun təyinatına uyğun şəkildə tikinti apara bilər. Fərdi yaşayış evinin inşası üçün torpaq sahəsinin kateqoriyası yaşayış məntəqələri torpaqları olmalıdır".
Evonline.az big.az-a istinadən xəbər verir ki, bunu açıqlamasında Vəkillər Kollegiyasının üzvü Rəşad Əliyev bildirib.
O, qeyd edib ki, qanunvericiliyə əsasən, yerüstü mərtəbələrinin sayı 3-dən, hündürlüyü 12 metrdən artıq olmayan və aşırımlarının uzunluğu 6 metrdən çox olmayan fərdi yaşayış evlərinin tikintisi üçün xüsusi tikinti icazəsi tələb olunmur. Bu halda məlumatlandırma icraatı həyata keçirilir:
"Məlumatlandırma icraatı çərçivəsində tikinti layihəsinin yalnız memarlıq-planlaşdırma və tikinti ərazisinin baş planı bölmələrinin hazırlanması tələb olunur. Layihəyə zirzəmilərin, mərtəbələrin, dam örtüklərinin planları, kəsiklər və fasadlar daxil edilməlidir.
Layihələr yalnız Azərbaycan Respublikasında qeydiyyatdan keçmiş və layihələndirmə fəaliyyəti ilə məşğul olmaq üçün müvafiq lisenziyaya malik hüquqi və ya fiziki şəxslər tərəfindən hazırlana bilər. Layihələndirmə xidməti ödənişli əsaslarla həyata keçirilir və xidmət haqqı tikinti obyektinin sahəsindən, yerləşdiyi ərazidən, eləcə də işin təcili və ya standart müddətdə yerinə yetirilməsindən asılı olaraq dəyişir.
Tikinti obyektinin istismarına icazənin verilməsi üçün müvafiq icra hakimiyyəti orqanı tərəfindən həyata keçirilən hüquqi hərəkətlərə görə "Dövlət rüsumu haqqında" Qanuna əsasən 60 manat dövlət rüsumu ödənilir.
Bundan əlavə, qanunvericilikdə daşınmaz əmlak üzərində mülkiyyət və digər əşya hüquqlarının dövlət qeydiyyatı ilə bağlı da müəyyən rüsumlar nəzərdə tutulub. Belə ki, daşınmaz əmlak üzərində mülkiyyət hüququnun dövlət qeydiyyatına alınması və çıxarışın verilməsi üçün 50 manat, daşınmaz əmlaka dair texniki sənədlərin (texniki pasport və plan-ölçü sənədlərinin) verilməsi üçün isə 75 manat dövlət rüsumu tutulur".
Evonline.az big.az-a istinadən xəbər verir ki, bunu açıqlamasında Vəkillər Kollegiyasının üzvü Rəşad Əliyev bildirib.
O, qeyd edib ki, qanunvericiliyə əsasən, yerüstü mərtəbələrinin sayı 3-dən, hündürlüyü 12 metrdən artıq olmayan və aşırımlarının uzunluğu 6 metrdən çox olmayan fərdi yaşayış evlərinin tikintisi üçün xüsusi tikinti icazəsi tələb olunmur. Bu halda məlumatlandırma icraatı həyata keçirilir:
"Məlumatlandırma icraatı çərçivəsində tikinti layihəsinin yalnız memarlıq-planlaşdırma və tikinti ərazisinin baş planı bölmələrinin hazırlanması tələb olunur. Layihəyə zirzəmilərin, mərtəbələrin, dam örtüklərinin planları, kəsiklər və fasadlar daxil edilməlidir.
Layihələr yalnız Azərbaycan Respublikasında qeydiyyatdan keçmiş və layihələndirmə fəaliyyəti ilə məşğul olmaq üçün müvafiq lisenziyaya malik hüquqi və ya fiziki şəxslər tərəfindən hazırlana bilər. Layihələndirmə xidməti ödənişli əsaslarla həyata keçirilir və xidmət haqqı tikinti obyektinin sahəsindən, yerləşdiyi ərazidən, eləcə də işin təcili və ya standart müddətdə yerinə yetirilməsindən asılı olaraq dəyişir.
Tikinti obyektinin istismarına icazənin verilməsi üçün müvafiq icra hakimiyyəti orqanı tərəfindən həyata keçirilən hüquqi hərəkətlərə görə "Dövlət rüsumu haqqında" Qanuna əsasən 60 manat dövlət rüsumu ödənilir.
Bundan əlavə, qanunvericilikdə daşınmaz əmlak üzərində mülkiyyət və digər əşya hüquqlarının dövlət qeydiyyatı ilə bağlı da müəyyən rüsumlar nəzərdə tutulub. Belə ki, daşınmaz əmlak üzərində mülkiyyət hüququnun dövlət qeydiyyatına alınması və çıxarışın verilməsi üçün 50 manat, daşınmaz əmlaka dair texniki sənədlərin (texniki pasport və plan-ölçü sənədlərinin) verilməsi üçün isə 75 manat dövlət rüsumu tutulur".
