MİDA 535 güzəştli mənzili satışa çıxarır – Qiymətlər 54 815 manatdan başlayır

Mənzil İnşaatı Dövlət Agentliyi (MİDA) Lənkəran, Şirvan və Yevlax yaşayış komplekslərində mənzillərin güzəştlə satışı barədə elan yayıb.

Ümumilikdə 535 güzəştli mənzilin satışı 4 sentyabr 2026-cı il tarixində saat 11:00-da başlayacaq və saat 16:00-dək davam edəcək. Gözləmə qaydasında mənzillərin seçimi isə həmin gün saat 12:00-dan 16:00-dək mümkün olacaq.

Satışa çıxarılan mənzillərin 528-i Şirvan Yaşayış Kompleksində, 6-sı Yevlax Yaşayış Kompleksində, 1-i isə Lənkəran Yaşayış Kompleksində yerləşir.

MİDA-nın təqdim etdiyi bütün mənzillər tam təmirli vəziyyətdədir. Mənzillər mətbəx mebeli, kombi isitmə sistemi və kombi cihazı, həmçinin su, qaz və elektrik sayğacları ilə təmin olunub.

MİDA mənzillərinin qiymətləri

Lənkəran Yaşayış Kompleksi:

4 otaqlı mənzil – 108 870 manat

Şirvan Yaşayış Kompleksi:

2 otaqlı mənzil – 54 815 manat
3 otaqlı mənzillər – 69 160 manatdan
4 otaqlı mənzillər – 93 765 manatdan

Yevlax Yaşayış Kompleksi:

2 otaqlı mənzil – 62 035 manat
3 otaqlı mənzil – 73 910 manat
4 otaqlı mənzil – 103 740 manat

Qeyd edək ki, MİDA mənzillərinin satış qiymətinə ƏDV daxildir.